大吉居酒屋 (已結業)

早排朋友话俾我知呢间放题已经转型做居酒屋，仲大力推介佢嘅海胆吞拿鱼蓉杯，今晚喺中环开会，就喺大吉附近，就黎食下晚饭。海胆三重奏杯原来人地有个正名叫海胆三重奏杯，我估系因为主要鱼生有三款，三文鱼子、吞拿鱼蓉同海胆，底下有啫喱同寿司饭。份量好多，海胆叠左好多层！可以就咁食刺身，亦都可以用紫菜包住食。我就钟意先食刺身，试清楚海胆够唔够鲜甜，吞拿鱼蓉够唔够甘香先，测试证实质素不错，之后我先再连埋紫菜同青瓜食一齐食。赤味噌煮牛筋牛舌我地觉得呢个系居酒屋名物，牛筋煮得好淋，但留有少少弹牙口感，一咬落去我觉得系骨胶原bb爆发嘅感觉，哈哈，牛舌都非常入味。烧日本芝士年糕年糕面粉味香，好软熟，芝士澎湃，一d都唔油腻，面层轻微哄过，趁热食冇唔好食嘅可能。三文鱼加州卷呢个系惊唔够饱而叫嘅，加州卷入面有玉子、蟹柳同牛油果，连埋三文鱼腩、飞鱼子同沙律酱一齐食，口感丰富。星期一晚上餐厅唔算多人，几适合两个人静静地食餐饭。服务唔错，侍应好留心客人需要。洗手间亦都好干净。