鳴橋燒肉料理 (已結業)

日式烧肉放题（$168+40）司令今次同朋友试左位于旺角既烧肉放题，炉上面放左张纸，令啲野食冇咁易烧㶶，抽气做得好好，冇咩油烟，著冷衫烧完都冇味啊。强烈推荐大家加$40升级，有羊架、马刀贝、虎虾、帆立贝等等既野食。 虎虾爽甜无雪味，而帆立贝就只只都劲大，新鲜到不得了，绝无欺场，讲真食多两三旧都回哂本啦。 食足成晚肉，点都要有菜中和下嘅！司令大推呢度嘅翠玉瓜、粟米🌽同菌类🍄，不知不觉食好多！翠玉瓜加少少盐迫出水份，劲juicy！粟米就本身有牛油，再加上烧牛肉粒出黎嘅油脂一齐烧，好甜！同样菌类同上油脂一齐烧，都系清清肠胃之选。菌类好抢手好快卖晒，要食就记住尽早叫定先啦！