影片
更多
2017-12-13
2895 浏览
边炉怪又出动喇！我钟意打边炉嘅程度系可以连续成个礼拜都打边炉，真系好痴线！呢排个天气转凉，一谂唔到煮乜嘢好就想出去打边炉！今次上OpenRice就揾到呢间醉翁亭！原来佢系北斗翁旗下㗎！佢系食半放题边炉，有啲系佢一个套餐咁俾你，有啲就可以任叫嘅！我哋系星期四去食，每位298 ，但系真系饱到飞天！最紧要嘅系啲嘢食质素非常高！首先我哋就拣咗个汤底先，大少想食鸡煲，咁我哋就试吓个鸡煲啦，问问店员，佢话之后可以帮我地转返个清汤底打边炉都得，咁就绝对要试鸡煲啦！因为我唔系好食得辣嘅关系，问咗姨姨佢话唔系话非常辣，食落去真系麻多过辣！啲鸡肉都仲好嫩滑，又够入味，我哋迅速就食晒煲鸡啦！鸡煲系可以添加嘅，但系我又想打边炉所以就唔再加鸡啦！个餐有个刺身拼盘，非常新鲜，个三文鱼直头系厚切呢一个蚝皇金钱花胶真系冇得顶！好似我呢啲女人仔，一日挂住骨胶原，呢两块花胶真系不得了！ 半只手掌咁大㗎花胶下边内藏一只冬菇，忟到啱啱好又入味，连我平时唔系好好冬菇都忍唔住食晒成只呀！呢个牛颈脊，睇吓佢啲脂肪分布就知道有几好食啦！完全冇筋，又唔会话太肥，喺出边好可能两旧水一碟都冇咁好质素啊！何况而家系298一个人咋㖞！超值！呢
呢排个天气转凉，一谂唔到煮乜嘢好就想出去打边炉！今次上OpenRice就揾到呢间醉翁亭！原来佢系北斗翁旗下㗎！佢系食半放题边炉，有啲系佢一个套餐咁俾你，有啲就可以任叫嘅！
我哋系星期四去食，每位298 ，但系真系饱到飞天！最紧要嘅系啲嘢食质素非常高！
首先我哋就拣咗个汤底先，大少想食鸡煲，咁我哋就试吓个鸡煲啦，问问店员，佢话之后可以帮我地转返个清汤底打边炉都得，咁就绝对要试鸡煲啦！
因为我唔系好食得辣嘅关系，问咗姨姨佢话唔系话非常辣，食落去真系麻多过辣！啲鸡肉都仲好嫩滑，又够入味，我哋迅速就食晒煲鸡啦！鸡煲系可以添加嘅，但系我又想打边炉所以就唔再加鸡啦！
个餐有个刺身拼盘，非常新鲜，个三文鱼直头系厚切
呢一个蚝皇金钱花胶真系冇得顶！好似我呢啲女人仔，一日挂住骨胶原，呢两块花胶真系不得了！ 半只手掌咁大㗎花胶下边内藏一只冬菇，忟到啱啱好又入味，连我平时唔系好好冬菇都忍唔住食晒成只呀！
极级牛颈脊
73 浏览
0 赞好
0 留言
呢个牛颈脊，睇吓佢啲脂肪分布就知道有几好食啦！完全冇筋，又唔会话太肥，喺出边好可能两旧水一碟都冇咁好质素啊！何况而家系298一个人咋㖞！超值！
呢个海鲜拼盘𠮶只蚌先甜到呢……可惜嘅系我又唔食呢啲青口，又唔钟意食鱿鱼，不过老公话两样都好食，佢连啲虾都有膏㗎
跟餐嘅仲有呢个水饺王，佢真系冇改错名啊！只水饺入边九成都系虾！唔会好似出面揸流摊𠮶啲咁系沟肥猪肉！仲要好大只，你睇吓碌完之后仲几大只！
其实食完个餐本身跟嘅嘢都已经好饱，我哋再叫咗啲菜同埋少少丸， 已经好足够！
我哋叫埋单嘅时候，姨姨问我地食乜嘢甜品，我就梗系拣热嘅糖水，而大少就拣咗雪糕。个糖水系红豆紫米露，唔会太掂啱啱好，系一个完美嘅句号啊！
张贴
