影片
更多
2020-03-25
80 浏览
同事介绍喺荃湾大鸿辉21楼有间火锅店只系168蚊，就可以任食美国进口牛肉，仲有非常高质嘅日式串烧同即点即炸嘅日式炸物任食，个重点系每张枱之间嘅距离都非常充足，啱哂喺疫情之下饿咗好耐嘅边炉友。剔完串烧之后就出去自助区度睇下有乜嘢食，各式新鲜嘅时蔬，肠仔餐肉丸类自然不可或缺， 酱料同埋饮品嘅选择亦都好多，啲野食唔会话一次过放好多出嚟，由店员频繁地作适时 refill，保持卫生；丸类除咗一般大路嘢都有得之外，比较特别嘅系呢个姜蓉丸，钟意姜蓉切鸡嘅朋友必试。返到去坐低已经见到第一 round 嘅美国进口牛肉、豚肉同埋鸡肉送上，呢度好在食完一 round 先再嗌下一 round，咁就可以确保每一片肉都咁新啦，美国进口牛肉果然够哂牛味，令人意想不到嘅系豚肉同鸡肉比牛肉质素仲更加高，忍唔住 encore 咗几碟。食咗几块牛之后串烧同炸物已经送上，炸物里面最好食系炸虾同炸鸡唐扬，串烧嚟讲就全部都咁好食，，高下难分，串烧肉卷肉汁极其丰富，串烧牛舌同鸡肾同个酱烧好夹，赢在全部即叫即烧，摆到入口都仲系热嘅，放题仲要有卖相有摆盘，个浅木色嘅小托充满东瀛嘅风味，以放题嚟讲系我食过最高质嘅一次，没有之一。 食饱仲
同事介绍喺荃湾大鸿辉21楼有间火锅店只系168蚊，就可以任食美国进口牛肉，仲有非常高质嘅日式串烧同即点即炸嘅日式炸物任食，个重点系每张枱之间嘅距离都非常充足，啱哂喺疫情之下饿咗好耐嘅边炉友。
剔完串烧之后就出去自助区度睇下有乜嘢食，各式新鲜嘅时蔬，肠仔餐肉丸类自然不可或缺， 酱料同埋饮品嘅选择亦都好多，啲野食唔会话一次过放好多出嚟，由店员频繁地作适时 refill，保持卫生；丸类除咗一般大路嘢都有得之外，比较特别嘅系呢个姜蓉丸，钟意姜蓉切鸡嘅朋友必试。
返到去坐低已经见到第一 round 嘅美国进口牛肉、豚肉同埋鸡肉送上，呢度好在食完一 round 先再嗌下一 round，咁就可以确保每一片肉都咁新啦，美国进口牛肉果然够哂牛味，令人意想不到嘅系豚肉同鸡肉比牛肉质素仲更加高，忍唔住 encore 咗几碟。
食咗几块牛之后串烧同炸物已经送上，炸物里面最好食系炸虾同炸鸡唐扬，串烧嚟讲就全部都咁好食，，高下难分，串烧肉卷肉汁极其丰富，串烧牛舌同鸡肾同个酱烧好夹，赢在全部即叫即烧，摆到入口都仲系热嘅，放题仲要有卖相有摆盘，个浅木色嘅小托充满东瀛嘅风味，以放题嚟讲系我食过最高质嘅一次，没有之一。
食饱仲有朱古力喷泉、milktop 雪糕、凉粉啫喱同木糠布甸，梗有一样啱你口味。
张贴
