影片
更多
2018-11-08
1008 浏览
大喜屋系我第一间食嘅放题，期后都回访过无数次，因为身边总有几个钟意食放题嘅朋友，生日聚会肯定会提出大喜屋。放题同自助餐一样，一分钟一分货，太平价嘅我地都冇眼睇，太贵嘅又觉得唔抵食，人心态系咁架啦，于是大喜屋呢种中价放题，喺我地心目中值好高分，佢地而家做紧优惠，星期一至三原价$238，730pm前埋单或者915pm入座有85折，有两个钟食，连埋原价加一都系二百零蚊位，以大喜屋嘅质素黎讲，真系性价高未够钟就已经要喺楼下排队等lift，座位真系有心理准备会有少少逼，除非人多，或者咁好彩，坐到大枱啦。庆幸佢地真系好有效率，喺楼下排队时已经有职员安排座位，一上可以即刻落单等食！一般放题嘅选择都有齐哂，特别钟意呢度啲野够新鲜，不论系刺身、寿司、熟食、料理都好，so far都系高质。刺身有三文鱼、油甘鱼、池鱼三、剑鱼腩、希灵鱼、象拔蚌、北寄贝、赤贝、八爪鱼、北海道带子、鲍片、甜虾、虎虾、松叶蟹脚，款式非常多，当晚点左蟹脚就冇上，可能卖哂啦。点左三文鱼、油甘鱼、池鱼王、赤贝、八爪鱼、带子、甜虾、象拔蚌，整体质素唔错，亦都有按足份量上菜，写几多黎几多刺身无雪味，样样都食到本身刺身原味，唔似啲平价放题，得
未够钟就已经要喺楼下排队等lift，座位真系有心理准备会有少少逼，除非人多，或者咁好彩，坐到大枱啦。庆幸佢地真系好有效率，喺楼下排队时已经有职员安排座位，一上可以即刻落单等食！一般放题嘅选择都有齐哂，特别钟意呢度啲野够新鲜，不论系刺身、寿司、熟食、料理都好，so far都系高质。
刺身有三文鱼、油甘鱼、池鱼三、剑鱼腩、希灵鱼、象拔蚌、北寄贝、赤贝、八爪鱼、北海道带子、鲍片、甜虾、虎虾、松叶蟹脚，款式非常多，当晚点左蟹脚就冇上，可能卖哂啦。点左三文鱼、油甘鱼、池鱼王、赤贝、八爪鱼、带子、甜虾、象拔蚌，整体质素唔错，亦都有按足份量上菜，写几多黎几多刺身无雪味，样样都食到本身刺身原味，唔似啲平价放题，得阵雪味，值得一赞
可能有部人食放题就比较少点寿司，不过我就好钟意，系啊要凑米气。点左三文鱼腩寿司、黑松露双色吞拿鱼寿司、花之恋、蒲烧鳗鱼、盐烧左口鱼、蜜糖芥茉蟹棒、炙烧芝士玉子同烧牛肉寿司，佢地嘅饭粒唔会太实，亦都唔会大旧到食几旧就ko左，鱼生都系大小适中就略嫌炙烧嘅款式烧得唔够。军舰都点左蟹籽、葱吞拿鱼蓉同三文鱼亲子军舰，紫菜仲有少少脆。其实佢地仲有海胆手卷，见隔离枱点左唔会好多饭，不过我自己唔喜好，就无试喇。
一品料理大部份都啱口味同新鲜，我地食刺身寿司食得差唔多，就落定单食熟食，所以都唔会等左好耐，基本上全晚未停过。炒蚬有豉汁味，唔差㖞；牛柳粒就老左少少，仲噍到嘅。另外，我同朋友都几钟意呢度嘅西京烧黄花鱼，每次黎都食嘅，烧到几香，有少少鱼油，正
冲绳黑糖烧牛仔肉都唔错，食左几转，牛肉有噍头，几入味。串烧方面有虾、牛舌、蕃薯仔、鸡翼、翠玉瓜、菠萝，点左虾，新鲜大只，系爽弹嘅。牛舌都正，加左啲黑椒好香。鸡翼唔够热，盐烧几好食，其实佢地嘅芝麻鸡翼都正，唔怕热气嘅话。
天妇罗值得一赞，虽然最迟先上枱，即炸架，唔厚粉，香脆，应该点多几转先啱
蟹粥
最后唔少得雪糕啦，呢度每人选一杯，有haagendazs、movenpick同milktop。饮品方面选择就唔算多，有可乐、解茶、菊花茶、韩国柠七、鲜奶等等，不过就有D特饮，例如果汁，仲有清酒添。
张贴
