大吉居酒屋 (已結業)

见大家都对放题有不同的comments，星期日我又同男朋友去左大吉试一试。订左6:30pm枱。人唔多，都系有几枱日本客。service仍然唔错，会话畀你知可以食到几点……共有6-7张order纸，分左刺身、炸物、沙津、串烧、和食等等的种类。一黎到系咁叫，呢一晚我地食左4-5round的刺身、3客卷物(吞拿鱼腩同软壳蟹)、1个蟹粥、1个炒杂菜、1个手打乌冬、1个冻豆腐、1个烧青鱼、2串盐烧串烧(牛仔骨+虾)、4件天妇罗(虾+蕃薯)……感觉好好……味道方面，刺身仍然好fresh，唔会因为放题而失去standard。有一次叫左三文鱼，佢畀埋三文鱼腩我地，片片都好大片，好rich呀~O~﹗仲有响螺刺身，好鲜味~ 醋青鱼刺身更加系开胃之选﹗蟹粥都好味，一锅两个人share已经好够，仲有弹牙手打乌冬，脆皮烧青鱼……我觉得食物好有水准。$158/person，真系值回票价，好过去果d排长龙寿司店多多声。