吉壽日本料理 (已結業)

每次想食放題都會諗到呢間吉壽放題 因為食物嘅款式多 質素仲要唔錯👍🏻收費都非常合理 平日都只係218一位而且地點就腳 啱晒同朋友黎聚下🕺🏽首先點左刺身 呢度嘅刺身非常新鮮 而且我最中意嘅油甘魚都有👍🏻 係自助區入面有新鮮青口 大大隻 好鮮甜😝牛柳粒非常惹味 用黑椒同蒜片炒而且牛柳粒肉質好嫩好林👏🏻鐵板大赤蝦 真係好大隻 蝦肉仲好彈牙羊架係賣飛佛 燒到勁香 而且有小小羊脂 香味十足🤤當然唔少得炸物有炸蠔同芝麻雞翼 炸物真係100分👍🏻 炸得勁香脆 encore再encore蠔好大粒 炸粉算薄 鯖魚皮燒到脆膽地 魚肉嫩滑 👏🏻 自助區仲有好多甜品 仲有熱湯供應 中湯好夠火候唔錯唔錯👍🏻