大滿喜日本料理 (已結業)

今日系旺角睇完戏，劲肚饿，想食好多野医肚，所以㨂左放题黎食。一入到餐厅，见到嘅店员都好好态度，一开始就提醒我地咩枱号，又会主动收走空碟，收之前又会问我地仲要唔要，仲好好笑容。真系好耐无见过咁好服务态度嘅餐厅。咁野食方面又点呢？盐烧牛舌；食落好香有肉汁，啲调味好足，孜然味且盐味好出，岩哂重口味嘅我。芝麻鸡翼同吉列蚝；鸡翼好出色，食落香口，劲多芝麻，鸡又唔会好干，一定要食依个!蚝嘅味道都唔错，我一直都中意吉列蚝多过生蚝，觉得炸过嘅蚝更加香，依种蚝嘅size比较细，但放题可以食多好多只，一样咁满足。吉虾虾、蟹捧、南瓜同炸鲜奶；头三样嘅味道同粉量都正常。炸鲜奶几好食，奶味好重好香，带有啲甜味，当系甜品食都唔错。鸡软骨串；我一直都好中意食软骨，佢依个都烧得唔错，香口有孜然味，食落脆口好过瘾，之后仲加多左两串比自己，哈哈。焗带子，烧蕃薯、菠萝；带子系用沙律酱去焗，但个人觉得油左啲。烧菠萝就真系无得输，又甜又多汁，唔会太干身，谂起都想再食啊。野菜牛乳锅；个汤头好浓好香，同埋啲爽甜嘅菜一齐食，好舒服，即时觉得好健康，仲有啲豆腐，好滑好有豆味，足哂料。 萄挞；细细个，味道都唔错，但有少少干。鹅肝带子寿司