極上帝王水產

营业中

休息中

第一次帮衬呢间餐厅，会选择呢间餐厅既原因系一次可以满足两个愿望：日式放题任食同打边炉。手机落单，首先紧系要点左刺身先啦，再黎就系熟食同打边炉。一大盘刺身上到枱真系好满足，刺身种类选择颇多，估唔到系有长脚蟹脚食，所有刺身都好新鲜同鲜甜，而且分量唔细件。然后就系熟食，分量同样唔细件，睇下牛舌大件又厚身，食落唔会柴同干，唔错。鲭鱼系原边上，试过系其他餐厅食系一边既一半或三分一件，一整件甘上枱，可以满足我钟意鲭鱼既心啊。所有熟食食得出系现整，因为上到枱仲系热辣辣，食熟食紧系要热食啦。最后系寿喜烧打边炉，我地主要都系食肥牛同金菇，食物吸收左寿喜烧既甜味，味道唔错。食左甘多野，要啲甜品做总结，呢度有多款雪糕选择，总有一款岩口味。