極上帝王水產

营业中

休息中

今日同朋友嚟到兆万呢度食日式放题。其实一开始都有啲淆底，因为听啲人讲话兆万中心系劣食之塔，所以都唔想入去。但系见身边嘅人话试过呢间又觉得唔错，就一于去睇吓咩料度。想先赞吓喺度嘅服务态度。一坐低佢哋就话因为人流比较多，所以要提早落定单，而且数量㩒多几件，咁就可以减低等候时间。直到中途嘅时候又会过嚟问吓啲嘢食点样，有冇漏单，有冇咩需要帮手等等，净系咁样已经加晒分。讲真，呢个价钱食到啲咁嘅食物真系算系咁，款式好多，冇可能食得晒，食材都唔系𠮶啲cheap嘢，老板都要赚钱㗎，真系冇啲人讲到咁差。刺身几新鲜，寿司、手卷𠮶啲都唔错，不过旧饭可以细少少😬 炸物唔油腻、烧物有微微炭香气、仲有火锅仔可以玩。雪糕雪条有成十几款，好多都未见过，每条试吓试吓咁都已经回本。饮品方面相对比较少选择，不过点餐𠮶度都有啲汤可以叫吓，所以都OK。甜品嚟讲就得几款啫喱，但QR code𠮶啲都未食得晒，所以都唔会排到佢😂 放题嚟讲好好㗎啦。