Book B Kitchen Mealmeal (已結業)

入黎到BookB Kitchen Meal Meal，呢度装修系行和式简约风，比人一种温暖舒服嘅感觉，呢度系喺吧枱点餐再坐低嘅，我点咗一份腐乳炸鸡定食（$108），再加一杯热美式咖啡（+$12），腐乳炸鸡定食冷盘有南瓜蓉，入面加咗椰枣蓉，甜度啱啱好！另外，冷盘仲有樱花虾玉子烧，鲜味十足。腐乳炸鸡有少少咸啦，不过鸡件好滑又多汁，送饭就一流喇，十分钟就食晒啲饭噜。然后仲有条秋葵天㷌罗，热辣辣，正啊！饮埋碗面豉汤就真系饱饱喇，总结，食物都好用心做，每样都有少少惊喜。店员好细心，会系你食定食完先上咖啡，呢杯咖啡带果酸，温度够热，今次真系饮饱食醉，满意度100。