醉忘魚屋 (已結業)

今日难得收早，就同朋友去食日本嘢，知道附近开咗一间食评几好嘅餐厅就去试吓，地铁站一出行5分钟就到，地方真系唔错，好似去咗日本咁。入边有丰富嘅日本居酒屋味道，又唔系太嘈，一班人gathering啱晒！首先前菜已经有四款，有沙律，芥辣八爪鱼，菠菜tofu ，crab蒸蛋。全部都好好食，自己最钟意系食芥辣八爪鱼，好新鲜。朋友叫咗寿司10贯；有金木雕，中拖罗，甜虾，黑木，甜虾，深海池鱼，碟鱼。全部卖相都好靓，好有特色。食得好舒服。朋友嗌咗个北海道海鲜丼，满满嘅一碗，有唔同刺身，有海胆，孩子，带子，牡丹虾，北寄贝，三文鱼等等。食到好饱。而且呢度嘅装修好有日本居酒屋嘅感觉，同朋友三五知己嚟聚会一定好有感觉。下次食埋dinner再试试