Mamaday (已結業)

餐厅到处见到抵食语录，例如「Never Tell a Woman to Calm Down」，相信作为男朋友一定深深明白呢个道理，但亦会一错再错。所以餐牌会提醒你「The Worst is yet to come」。不过今次带女友嚟呢间餐厅佢都好满意，环境非常写意，为佢近日既忙碌带来一晚放假气氛。餐牌设计又系非常抵死，食物名改得特别，另外第一页写「比上不足，比下有余」，够晒「谦虚」。连碟都系自己设计，印上英女皇正面，真系别出心裁。首先上菜既系平凡到无得再平凡既炸洋葱圈。虽然卖相平凡，但炸酱几出色，唔会觉得好粉。而且仍然食列洋葱嘅甜味。千岛酱软壳蟹比蕯卖相吸引，成只软壳蟹放系簿饼上面，软壳蟹炸得酥脆，加左菠萝令整体无咁腻。自己亦非常喜欢薯蓉簿饼底。都几辣的泰式打抛猪乌冬真系几辣，而辣劲特别持久。乌冬弹牙，肉碎超多，用山菜包住肉碎一齐食超正。香港人生活节奏咁快，Mamaday可以放松自己心情，笑一笑，世界更美妙。😂