canton pot (已結業)

同朋友聚会最钟意拣打边炉，而今次聚会就拣左个静啲地方，系荟贤居2楼～座位都好舒服，平日嘅日子都座无虚席就代表都相当多粉丝。一坐低就闻到隔离枱川芎白芷鱼头锅嘅香气，就忍唔住嗌左个套餐，入面有美国手切雪花牛、和牛粒、海虾、墨鱼丸、贡丸、芋丝仲有好多蔬菜等等。锅分左两边但都系同样嘅汤底，两边都有个大鱼头，好足秤！鱼头入面好多肉，煎过所以好香！一开始店员先盛左一杯汤头比我地试，川芎白芷嘅味道都好出，之后愈滚愈浓郁饮更正！套餐入面仲有个生面，本身已经食到饱但竟然仲会想食，啲面吸收晒汤底嘅精华。饮品嗌左一樽紫贝天葵，估唔到超浓郁好好饮，多人分享都好足够！打边炉必嗌本地手切牛颈脊，牛味重肉质又刚好！食肉兽要再点一个杂肉拼盘，入面有齐澳洲手切M5级和牛肉眼、黑豚肉、雪花羊肉片，咁就可以试晒全部肉，牛肉都厚同大块～饺子拣左羊肚菌豚肉饺，款式比较特别，仲几健康。甜品嗌左杨枝甘露水滴同川贝陈皮雪耳炖津梨，两款甜品都好出色，杨枝甘露水滴制作比较新颖，炖津梨好滋润作结刚刚好。