CHIC Italian Cuisine and Oyster Bar (已結業)

朋友呢排忙到死下死下，难得佢有时间食lunch，谂住揾间坐得舒服啲嘅，见到尖沙咀呢间好似唔错，就黎试下。 凯撒沙律个酱唔同平时食开，呢度系有加埋芝士，入口香浓惹味，菜亦都好新鲜，唔错。 意大利杂菜汤酸酸甜甜几开胃。海鲜拼盘有6种唔同海鲜，款式算多。星期一二个海鲜拼盘平啲架！ 香煎三文鱼配牛油柠檬汁，皮煎到脆卜卜，三文鱼速充满油香 而且嫩滑，夹埋啲柠檬汁一齐食，中和返油分，相得益彰。 安格斯车打芝士汉堡配薯条，薯条炸得好脆，汉堡入面有酸洋葱，完全系画龙点睛，带起左汉堡扒嘅肉味。 朱古力brownie同出面食嘅有啲唔同，比较粉，但系超浓朱古力味。上𠮶阵暖暖哋，食落好舒服。 柠茶茶底系lipton，糖浆唔系普通嘅糖浆，感觉上系枫糖浆，冇咁甜，健康啲。