Ocio (積存街) (已結業)

大围最外围的小街之中，有呢家OCIO，之前同朋友来过，都念念不忘，因为D野都真系好食，而且坐得都几舒服，喜欢佢小店的气氛，所以久唔久都会番来再食。晚餐有SET DINNER，都有各式的粉面饭扒、汉堡等等，总有一款O岩食。而且价钱都可接受，包汤及饮料。我次次都好想食佢的包，因为好有HOME MADE既感觉，好软又好香，唔系一般好HEA的餐包，由呢个小节已经知道食店好用心。香草鲜露荀花蜯炒扁意粉$88炒得好香，而又唔会太油，呢个粉既量都好多，同埋有黑椒味，比较开胃。奥斯芝士和牛汉堡$108，卖相好好，面包本身好饱满，和牛汉堡扒都好厚，肉味非常之浓。咬下去肉汁也多，中间的菜夹埋扒的香味，呢个就系汉堡的神奇、吸引、令人著迷的地方了~!西餐一定要饮咖啡，呢个泡沬咖啡是FREE的，真系令人有D难以置信，因为味道真系好好。绝对系高质咖啡~!!!朋友话要消滞，的确个奥斯芝士和牛汉堡真系几饱，整番个热柠水都系最O岩架LA.好满足的晚上，每人$100左右，的确好抵。