影片
更多
2014-11-25
40 浏览
上星期收到七里湘o既试食邀请,问问男友有冇兴趣,佢答有,虽然大部份都系辣o既菜色, 但我都决定试,并拣o左o系大前日(22-11-2014 Sat)晚上试.我同男友早半个钟上去,店方安排o左一间有一张圆枱o既房俾我o地,我o地系第一个到,所以都先影吓相,如果呢o度那部座地式冷气机,简直似o系大陆.同男友先饮啖茶,只茶好特别好清香,唔系普洱,唔系铁观音,又唔系乌龙等,之后我o地o系食只中途问负责人,负责人答系黑糯米, 真系超好饮啊.够钟喇,可以试菜,同我o地一齐试菜o既,重有两位年轻食家,店方放低几樽自家酿制o既米酒,奶白色o既米酒味道微甜,好易入口.正式试菜,先食三味前菜,有:1. 口味牛筋一放低时,大家睇个样都话似海蜇,好彩店方之前有send menu俾我o地,所以知道系牛筋.呢只牛筋唔会做到香港人咁咁腍,反而似橡筋咁,不过系o赵得烂o既橡筋,味道唔系好辣,但惹味,所以食完一件,会返转头再夹o黎食.问过负责人,呢种系湖南人食o既口感,咁香港人又可以食吓呢重口感o既牛筋喇.味道: 3.5分2. 蘸酱青瓜见到佢有辣椒,都知系辣,青瓜有拍开,口感爽脆,辣又唔系好辣,呢个都唔错.味道: 3
我同男友早半个钟上去,店方安排o左一间有一张圆枱o既房俾我o地,我o地系第一个到,所以都先影吓相,如果呢o度那部座地式冷气机,简直似o系大陆.
同男友先饮啖茶,只茶好特别好清香,唔系普洱,唔系铁观音,又唔系乌龙等,之后我o地o系食只中途问负责人,负责人答系黑糯米, 真系超好饮啊.够钟喇,可以试菜,同我o地一齐试菜o既,重有两位年轻食家,店方放低几樽自家酿制o既米酒,奶白色o既米酒味道微甜,好易入口.
正式试菜,先食三味前菜,有:1. 口味牛筋
一放低时,大家睇个样都话似海蜇,好彩店方之前有send menu俾我o地,所以知道系牛筋.呢只牛筋唔会做到香港人咁咁腍,反而似橡筋咁,不过系o赵得烂o既橡筋,味道唔系好辣,但惹味,所以食完一件,会返转头再夹o黎食.问过负责人,呢种系湖南人食o既口感,咁香港人又可以食吓呢重口感o既牛筋喇.
味道: 3.5分
2. 蘸酱青瓜
见到佢有辣椒,都知系辣,青瓜有拍开,口感爽脆,辣又唔系好辣,呢个都唔错.
味道: 3分
3. 湘味脆笋
佢同样有辣椒o系o度,食落,又唔系好辣,但口感唔算脆,有啲失望.
味道: 2分
4. 西洋菜银杏汤
一路食一路等,好耐,个汤至到,见佢有好多西洋菜,汤o既味道偏淡,不过食o左咁多味浓同辣o野,饮呢啖汤系好舒服.味道: 2.5分
5. 干烧明虾
一端上o黎,哗!!!!好香好多辣椒干,颜色好靓,感觉应该好辣,但男友同另外一位食家先食,佢o地都话唔系好辣,重有啲甜味,系甜甜地o既辣.呢个o岩o岩炸起热腾腾,唔单止食到甜辣,而且冇盖到虾o既鲜味,而我亦留意到,啲虾o既size都好平均,唔会一只大一只细.味道: 4.3分
6. 铁板鱼香茄子
用铁板上,一定系热腾腾,端上o黎时,见佢切得好薄,摆得好整齐,原来佢o地将盘龙鳝o既概念,应用o系茄子上.
呢个味道唔辣,我觉得茄子味道淡淡,可能面上o既肉碎同汁未渗入去茄子o既中间啦.味道: 3分
7. 湘味辣酒煮螺
一端上o黎,锅红油, 心谂死喇,今次重唔辣死?我只可以食一粒,其他由食得辣o既男友同其中一位食家食晒吧.螺大大粒,挑o左出o黎食,好新鲜,食到甜美又滑o既螺肉,但原来唔辣,系完全唔辣,得个样㖞.不过都系o个句,钟意食辣o既人叫呢个会好失望.
味道: 3.5分
8. 香菜牛肉丝
睇个样都冇乜点,香菜系芹荐,食落,第一口系冇乜事,但o赵落就知味道,好辣呀!辣到喷火,而且冇晒牛肉味,真系辣到入肉.呢个我o地觉得差o左啲,须要注意.味道: 0.5分
9. 大盆酸菜鱼柳
真系好大盆,上面都舖o左好多酸菜,捞o黎睇睇,有粉丝o既,
食落,粉丝竟然系爽脆,原来夹有白萝卜丝.而成个味道都唔太浓但都辣,因为有青椒;鱼柳口感有啲过腍,而且系雪藏鱼柳,所以冇鲜鱼味.个人觉得食呢啲用雪藏鱼柳唔出奇,因为我会唔小心一大啖咬落去而被鱼骨拮亲.同样,食o左辣o野食呢个就觉得好舒服,只要拣走啲青椒.
味道: 2.5分
10. 洞庭糯米粉蒸排骨
当职员放低呢个时,我都唔知系咩o黎,明明试食menu写o既系糯米粉,我冇谂到会变o左系糯米饭.而呢个系用糯米包仕排骨,食落, 糯米渗满肉香,烟烟韧韧咁,几好食;而内里o既排骨仍松软且仍有肉汁,呢个唔错,我一个人就食o左3粒. 味道: 4.5分
11. 湘辣蟹
端上o黎又系香喷喷,但睇到又知道好辣,只肉蟹有好多肉,食落系好辣,但又唔系死辣,其实唔错.味道: 4分
12. 干锅腊肉菜花
呢个连个小火炉热住上,
我先试吓腊肉,佢唔同香港o个啲用五花腩咁有肥有瘦,佢只系瘦肉,食落,味道好咸,但又唔系干争争,不过呢个我冇乜点食,所以分数会比较中肯.不过男友食呢个就话如果有饭送就一流,佢唔知道下一个就系腊肉炒饭.味道: 3分
13. 农家腊肉炒饭
睇到干身唔系好油,呢个落酸豆角去炒,我系第一次食酸豆角,觉得几有趣,味道唔太咸,可能有饭中和腊肉o既咸味.味道: 2.5分
14. 酸豆角肉沫窝窝头
端上o黎时,负责人话呢晚冇窝窝头,唯有用馒头代替.
我重谂住睇到咩系窝窝头添.炸馒头外脆内软,唔错.而白馒头都系正常吧.味道: 3分
由于呢次唔系神秘试食,所以我呢篇食评o既所有味道分都减o左0.5分.
有时估错辣定唔辣,有种故弄玄虚o既感觉.
张贴
