澳洲牛奶公司

营业中

休息中

上个礼拜，唔知点解好想黎呢间食。呢间食过好几次，炒蛋令我有好深既印象，真系太好食。而且效率又高，虽则真系无服务可言。叉烧意粉叉烧既份量好似小左，但味道都唔差既。而个意粉整得好爽口，食到一条不漏，因为实在好正。而汤就系金宝忌廉汤。炒蛋、火腿、多士真系好味，又香又滑，令人难以抗拒架。而火腿就无乜特别。多士就系好味既厚多，牛油又唔会搽得太多。又脆口既多士，真系太正。热奶茶好有茶味，奶既份量就好。真系好好饮。冻炖蛋好有蛋味，又够滑，真系好味。虽然成十八蚊一碗，但都系好值得食。我最佩服佢地做野既效率，落完单半分钟到就有野食。真系无乜餐厅做得到架，但食物既质素依然咁高。服务就无乜，有既只有效率。可见呢间野系香港既缩影。