冰極餐廳

营业中

休息中

上星期阿仔響酷熱天氣底下去海洋公園親子旅行，我有重未出發先中暑的感覺🥵好彩去到冰極餐廳lunch,可以抖一抖。大家邊食邊睇企鵝，一大賞心樂事。阿仔每次叫海洋列車餐，然後要我執手尾，我都習以為常😅原來其他同學都係咁，個個家長最後坐響道食兒童餐，好好笑🤣忌廉汁帶子意粉忌廉味濃，配上煙肉，非常惹味，意粉煙韌，帶子彈牙，份量多點更好，推介👍🏻小企鵝兒童餐+果汁盒內芝士肉醬意粉，肉醬足夠，意粉煙韌，芝士是原塊上，未有溶入意粉中，味道不過不失。南瓜撻撻皮鬆脆，但南瓜蓉略淡味，粟米正常。水果沙律非常清新，一大驚喜，消暑佳品。😊果汁可選蘋果汁或橙汁。