影片
更多
2021-10-03
601 浏览
真心中伏！大家食放题慎选！话说朋友有呢间餐厅既套餐coupon（$298串烧放题餐，每位减$100），于是我地又去试下啦 Weekday 放工都坐满人，心谂应该都唔差。由于餐厅满坐，店员就带我地去对面拉面店坐。一位朋友会迟d来，我地就叫店员上少一份前菜（套餐包每位前菜一份，冻豆腐，冻炸鸡同海苔沙律），我地就叫左支酒边食边等。朋友到后，我地就请店员上埋最后一份前菜，但系店员回覆话厨房做唔切，催左几次，结果大半个钟后，朋友前菜才到 等待途中，店员为我地每位上左套餐包既六片刺身，刺身系新鲜好食既。后来都上左套餐每人一只明太子酿机翼，一串烧鸡翼，一串烧鸡皮，一串烧鸡软骨。鸡翼还好，鸡皮同鸡软骨烧唔干，仲连住好多鸡肉，感觉似食鸡肉放题。接著，就是漫长的等待。。。餐厅放题落单叫串烧要扫QR code，当时见上菜上得慢就分左两轮叫（其实都系各种类每人一串）。望住个网上点单，order左17样野，两个钟内上左3样（鸡翼，鸡皮，鸡软骨），基本上只系上左套餐包嘅食物。催单时，店员话：「厨房忙紧架啦，你见唔到排晒队咩！」，再等再催，最后为我地送上四粒日本甜薯......等到痴呆及饥饿的情况下，真心多谢晒 基
真心中伏！大家食放题慎选！
话说朋友有呢间餐厅既套餐coupon（$298串烧放题餐，每位减$100），于是我地又去试下啦
Weekday 放工都坐满人，心谂应该都唔差。由于餐厅满坐，店员就带我地去对面拉面店坐。
一位朋友会迟d来，我地就叫店员上少一份前菜（套餐包每位前菜一份，冻豆腐，冻炸鸡同海苔沙律），我地就叫左支酒边食边等。
朋友到后，我地就请店员上埋最后一份前菜，但系店员回覆话厨房做唔切，催左几次，结果大半个钟后，朋友前菜才到
等待途中，店员为我地每位上左套餐包既六片刺身，刺身系新鲜好食既。后来都上左套餐每人一只明太子酿机翼，一串烧鸡翼，一串烧鸡皮，一串烧鸡软骨。鸡翼还好，鸡皮同鸡软骨烧唔干，仲连住好多鸡肉，感觉似食鸡肉放题。接著，就是漫长的等待。。。
餐厅放题落单叫串烧要扫QR code，当时见上菜上得慢就分左两轮叫（其实都系各种类每人一串）。望住个网上点单，order左17样野，两个钟内上左3样（鸡翼，鸡皮，鸡软骨），基本上只系上左套餐包嘅食物。催单时，店员话：「厨房忙紧架啦，你见唔到排晒队咩！」，再等再催，最后为我地送上四粒日本甜薯......等到痴呆及饥饿的情况下，真心多谢晒
基本上在拉面店坐紧嘅客人，个个都只可以用期待嘅目光望住主店铺𠮶边，等待厨房出食物拎过来。又过了不知多久，店员捧住d烧烤入黎拉面店大叫：「有无人要烧粟米，有凡立贝呀边个要，虾黎啦虾黎啦」。之后边枱应机就比边枱有得食，唔应或反应唔切就无得食。我同朋友们比较忍让，无 "抢" 到
其实所有客人都到肚饿同燥底，有客人要求店员跟返落单分量上，店员回应：「厨房都做唔切，比你地要唔要丫，拿唔系我地无比你啊系你地自己唔要啫！」吓！？咁都得！？真系玩救济式放题？！上菜上到好似要餐厅施舍客人一样，真系第一次
餐厅好多客人都同我地一样，等到10点几都系无咩落肚，结果就死死地气埋单走左。我们觉得是次晚餐极为不满，有需要跟餐厅经理了解一下情况。三催四请下又等了20分钟，来了好几个声称自己是经理的人，但系都比唔到合理解释亦话唔到事。最后，经理终于出来了解事情及道歉：「啊唔好意思呀！今日厨房里面真系太忙了烧唔切，其实呢餐咁既情况，我都唔打算收各位钱架啦！」跟住就放左我地走，连我哋叫支酒都无收我哋钱。
我地绝对唔系一啲食霸王餐啲人，唔鼓励以高姿态去投诉，过往亦从来未发生过类似嘅情况。可想而知，当时店员和餐厅的情况有多差，以致经理作出呢个决定。餐厅其他人最后有无好似我地咁免单我就唔清楚了，但系气氛同情绪就一定系差。
最后我们发现，原来连个餐基本上既食物都无上齐，真系太失望了。朋友屋企仲有十几张coupon，不过今次伏到咁，佢都应该唔会带家人去了。
张贴