影片
更多
2014-05-25
2506 浏览
大半年前已经留意到茶木呢间台式餐厅,当时睇到餐厅相片,觉得环境几舒服,系一间几适合女仔去o既餐厅,当时都有兴趣日后去试下 铜锣湾广场分店一向都系好多人等位,真系要等1-2小时咁耐 ,知道区内黄金广场o系旧年底开左新分店,同朋友见面要揾地方食饭,自己又有兴趣试下佢地招牌甜品蜜糖砖块,于是一月底就决定黎黄金广场分店食晚饭黎食饭前睇过 OpenRice,原来黄金广场分店晚饭时间一样都系咁多人等位 ,食饭前早一晚我去睇下餐厅环境及等位情况,原来不设订位,又要大部份客人到齐先可以安排入座,唔怪得店外走廊塞满等位食客,问过侍应通常黄昏6点半后就开始多人,由于我比较早放工,所以食饭当日大约黄昏6点半就去等位,因为要过半数先可以安排入座,朋友较迟放工,就算筹号轮到我o既时候都唔入得 ,要等埋朋友黎到先可以入座,当晚前后等左大约40分钟先有位或者餐厅想配合年青感觉,留意到全部侍应系比较后生,我地入座时,侍应俾我地每人一本餐牌,餐牌印刷精美,整到成本饮食杂志咁样 临近农历新年要买好多野,朋友原本想悭钱,谂住大家每人叫一份套餐,有一个小菜配一碗白饭、沙律/蛋糕及一杯饮品,叫我唔好再花钱食甜品,其实
铜锣湾广场分店一向都系好多人等位,真系要等1-2小时咁耐 ,知道区内黄金广场o系旧年底开左新分店,同朋友见面要揾地方食饭,自己又有兴趣试下佢地招牌甜品蜜糖砖块,于是一月底就决定黎黄金广场分店食晚饭
黎食饭前睇过 OpenRice,原来黄金广场分店晚饭时间一样都系咁多人等位 ,食饭前早一晚我去睇下餐厅环境及等位情况,原来不设订位,又要大部份客人到齐先可以安排入座,唔怪得店外走廊塞满等位食客,问过侍应通常黄昏6点半后就开始多人,由于我比较早放工,所以食饭当日大约黄昏6点半就去等位,因为要过半数先可以安排入座,朋友较迟放工,就算筹号轮到我o既时候都唔入得 ,要等埋朋友黎到先可以入座,当晚前后等左大约40分钟先有位
或者餐厅想配合年青感觉,留意到全部侍应系比较后生,我地入座时,侍应俾我地每人一本餐牌,餐牌印刷精美,整到成本饮食杂志咁样
临近农历新年要买好多野,朋友原本想悭钱,谂住大家每人叫一份套餐,有一个小菜配一碗白饭、沙律/蛋糕及一杯饮品,叫我唔好再花钱食甜品,其实我选呢间餐厅系最想试雪糕蜜糖砖块,听到朋友咁讲有o的失望 ,不过朋友睇过餐牌,觉得套餐款式比较一般,冇必要专程等位黎食o的普通广东小菜,所以我地唔好为左杯饮品选择套餐
我地落单叫左 TeaWood 红烧牛肉面$58, 古早味三杯鸡$58 及香草大虾沙拉$58,唔叫饮品,至于要唔要甜品雪糕蜜糖砖块,就睇下一阵够唔够食先决定叫唔叫啦 呢间餐厅布置切合草木大自然主题,俾人轻松舒服o既感觉,座位舒适,几干净,环境清幽,有精致摆设
等左大约10分钟,第一样野食黎到,其余两款野食相继o系之后5分钟内送黎
香草大虾沙拉$58呢碟沙律选用生菜,新鲜爽口,嫩绿新鲜,落左脆脆面包粒,大约有五只中等size虾,雪藏虾只要处理得好,都一样好食,份量足够两个人食, o的醋系分开上,可按个人喜好落几多份量,我地冇试下o的味就一次过倒晒落碟
古早味三杯鸡$58台湾三杯鸡肉嫩适口,滋味醇香,风味十足
不加汤水,只系用米酒,香油及酱油各一杯,配上九层塔,细火慢炖
三杯鸡o既酱汁几惹味,带轻微o既辣,鸡肉嫩滑,焖得几入味,仲有九层塔o既独特香气餐厅提供左蜡烛台,为食物不停加热,保持温度
TeaWood 红烧牛肉面$58个碗虽然好大,但份量一般 ,有几旧牛肉,大约两件红萝卜及两件白萝卜,两种萝卜配搭几特别
牛肉有少少筋,卤得几淋及入味,汤够浓郁,阔面条几弹牙
呢几款野食到差不多时候,我叫朋友睇下隔离枱o既甜品蜜糖砖块,话俾佢知我黎呢间餐厅系最想试呢款甜品 ,于是我地就向侍应落单,选左草莓香草蜜糖砖块$68,侍应话需要大约20-30分钟先整好,我地唔介意等,反正又唔系赶时间,等候期间除左大家倾计,又可以使用店内免费 wifi 上网,只要向侍应查询就可以得到密码
草莓香草蜜糖砖块$68落单后真系要等20分钟先送黎,侍应会俾埋一把长刀及一个大钳客人,让客人自己切细蜜糖砖块
几多人钟意轮住拎咁大碟招牌甜品一齐影相,草莓香草蜜糖砖块上枱后,我同朋友都"相机食先"左一大轮
蜜糖砖块底部系三块多士,砖中间系空心,被切左出黎o既多士切成细块再沾上蜜糖,炸得金黄松脆又入味
砖块上面有一球草莓雪糕、绵花糖粒、草莓酱及鲜草莓
流浆雪糕配合炸得皮脆内软o既金黄多士砖,十分吸引,卖相的确系一流
草莓唔酸,加忌廉再加埋草莓酱真系几甜食呢个甜品可以有一热一冷同埋一干一湿o既感觉
好多人系会先食顶层雪糕,再食多士,之后就话侧边面包皮冇调味唔够酱汁唔好食,唔食真系浪费食物呀 ,其实系睇下识唔识得点样食,我地冇浪费食物,食得晒呀!
一定要搬走左个雪糕先切到多士,雪糕又快溶,想食雪糕就唔好慢慢影相,若果唔介意雪糕溶左,可以用多士点黎食,呢个食法除左更加美味,亦会食得比较有仪态
朋友原本想悭钱唔食甜品,不过食完呢个草莓香草蜜糖砖块都觉得我冇介绍错,值得一试 呢个甜品真系食得饱架,要至少两个人一齐食,若果有三,四个人一齐分享就最好
不过记得要到食到咁上下先好叫,若果变左前菜而唔系甜品就唔好啦
我地冇叫饮品,侍应都愿意为客人加水,不过繁忙时间进餐,揾侍应服务就需要等一等餐厅不设最低消费,又冇规定坐几耐 ,知道有部份人就咁叫一份两个人食,唔帮衬其他食品饮品,两个人俾$75就坐足1.5小时,但系出面等位o既人就惨呀! 随时要等1-2小时
若果客人坐近走廊玻璃橱窗o既座位,可能会唔自在,觉得被出面等位o既人成日望住
茶木食物o既卖相好靓,系一间几适合女孩子o既餐厅,亦都系约会好地方,不过真系太多人等位,又不设订位,若果唔想花时间等位就冇办法
总括黎讲,呢间餐厅较出名o既甜品及果茶都唔系套餐可以选择,似乎散叫先有好食物 ,因为食得套餐又食唔到招牌甜品,除非系至少四,五个人一齐share一个先得,日后有机会可以试下水果冰红茶
张贴
