東海堂 (已結業)

又有同事调走请食饼！仲要系人日加情人节嘅大日子！西饼以果挞为主，不过我对果挞一般！好贪心咁食咗两件！ 北海道牛乳芝士切饼（$20）奶白色好简洁，有胶纸围边防止蛋糕变干，上面洒满白朱古力碎，芝士蛋糕好香，不过几腻，好在唔大件，刚刚好，芝士充满奶香，饼干碎做嘅饼底略湿身！ 鲜草莓果挞（$20）顶端嘅忌廉好软滑，草莓新鲜爽口，中央系一个松软蛋糕，唔会全部系忌廉，唔大甜好味！曲奇挞底脆口，好重牛油味！略腻口！自己喜欢卷蛋多啲！