Salamat Cafe (已結業)

下午点几要去元朗买d嘢，未食饭路过见到环境几好行入去。女职员礼貌一般喇，讲嘢冇尾音，全部单词回应。坐低叫左个个有青口、虾、带子嘅意大利饭。我1分钟饮完个汤，个饭就到了，心谂：「系咪整定翻热𠮶d嘢？」一食粒带子，冰冻的。即刻同佢讲。佢再整过，今次等正常时间，5分钟左右。不过青口都系冻冻地，应该系全部嘢一镬过翻热。d意大利饭真系好咸，不过肚饿都要食。入嚟见系cafe,餐饮叫冻咖啡。可能我误会左（印象中餐牌系送饮品，包括咖啡，冻饮加$5。最后原来冻咖啡不包括在餐饮内，要收半价$21。最尾俾八达通$108，其实睇唔到佢收咗几多钱，要主动问佢拎八达通的单check 。佢觉得我好奇怪咁嘅反应。服务、做食物嘅诚意真系一般。环境几好，倾吓偈唔错。如果叫汉堡应该会好食啲。收费唔值过一百。冻咖啡当然冇咩特别，主要系唔够冰，未饮到一半都融晒。相信不会再帮衬了。如果再路过，下次试第二间。