氷川菓屋 (已結業)

周五晚上喺尖沙咀食完饭，同朋友想揾地方坐下食甜品继续倾多阵计，见周围都系多港式糖水舖，点知行行下见到依间舖头门口已经好和风好特别，再望真啲原来系食日式刨冰，啱晒啦！我地order咗个草莓练乳刨冰，真心觉得好梦幻呀！刨冰上面放咗粒士多啤梨喺忌廉上面，再加上佢地自家秘制既果酱同练乳，影咗几张相就忍唔住要食喇。店入面贴咗好多访问既剪报，原来话佢地做刨冰既冰砖系真系喺北海道直送既纯水冰砖，真系估唔到系要咁花心机喺日本买返嚟，加分！最后走之前我同朋友仲一人买多一杯，鲜果红茶添！依度既刨冰喺香港好少见，下次想食一定会再返嚟