麵軒小歇 (已結業)

上星期同一班朋友食饭，行经呢间野，有人话唔错，于是就入左去。叫左碗肉燥茄子米线同peach delight。肉燥茄子米线个汤底唔多掂啰，淡到好似水咁，不过D肉燥茄子就几好食，如果D茄子可以煎得香D就更好啦，因为佢唔系几香；peach delight微酸，但系我唔觉得有桃味。原本个environment静静地都唔错，可惜之后黎左几个女性客人(wet妹？又未至于，我唔识形容)，佢地一路系咁讲自己D男性朋友呀，去边度玩呀咁，仲要讲到劲大声，完全破坏晒个气氛，令人为之无奈。