Antoshimo Cafe & Bakery (已結業)

系朗豪坊行到有D攰，想揾个地方坐下食D小食甘。跟住见到呢间野都几多人等，加上见到店铺嘅装修好日式嘅感觉，下午时间仲有下午茶套餐添，所以就黎试下。店铺明显人手不足，在场先系得两个人，其中一个仲要负责埋等位叫号添，所以就算有吉台，都未有人得闲去整理，叫号相对比较缓慢。就算去到点餐，都要叫咗几次先有人黎，人手方面真系要改善下。讲翻食物方面，店铺最推荐亦话系最出名嘅就系炸包，一共有4款口味，今次就试咗芝麻味嘅，要咗个下午茶二人餐，入面有一个炸包，一份薯条，鸡翼同沙律，同两杯饮料。炸包味道几好，食落都好香芝麻味，口感食落几特别。薯条方面就酱比较少，沙律份量比较少，沙律酱系用醋，所以唔会太腻，鸡翼份量真系少，餐牌写住4件嘅份量，点知上黎之后原来系张一只鸡翼切开一半，其实即系得两件，如果系甘直接系一对仲冇甘嬲。