金曼谷泰國餐廳

营业中

休息中

今日我地带埋只狗仔去田心村金曼谷泰国餐厅试下，我地差唔多7点30分去到，排晒队等位，好在都唔系等左好耐。我地都系第一次试呢间餐厅，加上唔系好肚饿，我地只系叫左南瓜海鲜焗饭、冬阴功汤同埋串烧。最先上的系串烧，我地要左鸡同牛，味道几好!个冬阴功汤就唔惊喜，好似酸多过辣，材料只有虾同磨姑。不过一试无妨。最后系个南瓜海鲜焗饭，卖相唔错，只要有鱼同鱿鱼，原个南瓜上，整体 ok。我地食到9点左右就离开。呢度d 食物都ok，服务都几好，坐在室外，感觉几好，我地都不约而同谂起之前在泰国 Mango Tree 晚餐0既情景。 最开心系可以带埋我地只狗仔! 我地下次都会再来!今餐共 $166，每人都有一件椰汁大菜糕送。