Cow Bean (TKO Gateway) (已結業)

有朋友之前食过凭收据星期一至五可以送小食，咁啱我又想试，所以嚟呢度食晏。餐厅格调年轻，座位舒适，扒类质素唔错。盒子纽西兰肉眼牛扒，有牛味肉汁丰富，粉嫩嘅颜色好吸引，配菜都好新鲜。纽西兰羊扒红酒烧汁，羊扒一啲都唔骚，肉质嫩，好味。红酒汁烩牛脷香草庵列饭，两块好大嘅牛脷，够淋够松软，饭都好味。唐扬炸鸡粒意大利饭，鸡粒唔鞋，饭比较软，对我嚟讲啱啱好，但味偏淡。日式酱油海带元贝仔鲜虾意粉都唔错，无惊喜。凭收据星期五送芝味芝士薯仔一客，好脆，黑松露味配芝士酱好好味。加$10有一份餐汤及餐包，呢个系忌廉蘑菇忌廉汤。