饗樂町 (已結業)

喺油麻地做完嘢，又到揾嘢食嘅时间，经过一间日本餐厅，透过门外落地玻璃望到佢入面个环境四正企理，决定入去一试。Lunch set有唔同选择，胃口好啲嘅朋友建议你哋拣A系列嘅餐单，因为佢除咗有一份主食之外，仲有一碟寿司跟，再加埋小食一碟同埋味噌汤一碗，一定令你饱到上心口！但由于我今日胃口麻麻，所以只系选择咗B系列嘅角切鱼生饭，饭入面有吞拿鱼同三文鱼嘅鱼生粒粒，亦有少量玉子同青瓜嘅点缀，斋睇卖相都相当吸引！味道方面，不过不失，佢好在无鱼生片嘅腥味，但同时略嫌唔够鲜味。份量方面啱啱好，系普通女仔嘅份量。服务方面就差啲，中午收人加一服务费之余，但连杯水都要客人自己去斟，水机仲要离客人进食区好远，呢一点有待改善。