泰聚 (已搬遷) 新店位置

这间泰菜在路边，7pm多已经full晒，虽然唔系好大，不过楼底好高，空间感够大。泰式生虾，有8只，大只，爽甜，有一片红辣椒，一片苦瓜，不过冇生蒜片，加埋辣椒酱一齐食，正呀！！拼盘，鱼饼，虾饼，春卷，香叶包鸡，跟甜酸酱同辣酱，全部是金黄色，鱼饼虾饼够弹牙，春卷OK，香叶包鸡都是香口入味的。蒜蓉包是长条形，好香脆又干身，加咖喱食好好味。黄咖喱鸡，这个不是好辣，够香，有d菇好爽，鸡肉也滑。生菜包猪肉，份量好够，唔系好辣的，猪肉也够碎同好惹味呀。生菜好新鲜，脆卜卜。我们唔够生菜，问仕应可否给多两块，佢话卖晒，但朋友经过厨房见到一篮生菜，其实可以直接说不会额外给生菜，感觉会好些。青咖喱猪，这个也是好香，有d青豆，豆角，咖喱好滑身。好味。用嚟配薄饼好正。冬荫公，唔算好辣，好多磨菇，有大虾的，好醒胃呀。又够晒香同足料。洛神花疏打，呢杯就麻麻，好淡，冰太多，洛神花味好少。大虾炒金边粉，正正常常。沙嗲串烧鸡牛猪，烧到够香，唔会好淡味。味道好足，肉也是实身，唔霉呀。柚子大虾沙律，好开胃。柚子酸酸甜甜。整体感觉良好。