京滬佳餚 (The LOHAS康城) (已結業)

谂住今日嚟食晏，早两个钟打电话去book位，听电话都已经觉得态度唔错，转个头仲收到个短讯confirm。1:00准时到达安排坐卡位，环境系几摩登，不过有少少太金碧辉煌，有啲太光，平日中午都几多人，虽然唔系爆晒，但都已经几嘈，不过卡位坐得都好舒服，够阔落，张枱又够大，嗌咁多𩠌都摆得落。餐牌望落去好丰富，好多唔同嘅套餐和推介，又有点心纸，丰俭由人。今次特登过嚟食片皮鸭，不过都嗌咗好多其他唔同必点菜式。先送上一点$20硬食嘅小吃，起码唔系普通嘅花生咸菜，系毛豆莲藕脆豆，再送上一壶普洱茶，开头颜色都唔错，不过冲到第三次就冇晒色。落单之后𩠌菜好快就陆陆续续送上，限时招牌小笼包六只$18，超抵，皮唔算好薄，馅料多汁有鲜味，夹超来唔容易穿，算系有咁上下水准，咁嘅价钱，真系觉得几抵。爆汁牛肉煎饼，馅料同样多汁有牛肉味，不过个皮略为煎得唔够脆，墨鱼虾饼就不过不失，担担面嘅汤料好丰富，好够味，面质就麻麻，有啲过林，有啲失望，酸辣汤属正常，云吞鸭肉汤，云吞就一般，有啲硬嘅感觉，鸭肉就唔系好多，不过个汤都几浓味，水准算OK，葱油海蜇头，分量唔错，海蜇头好爽口，醋嘅味道比较重，欠缺葱油味，不过加咗唔同嘅酸菜，配