旦王花 - 泰越鍾情

营业中

休息中

依间都几得意嫁,入面帐篷既位,中间就有玻璃屋，就系一个室内既位置。都几正个感觉,可以一边睇住D海鲜见岩就可以即刻落order，仲有唔同既煮法同配搭。首先就叫一个马拉栈桶蚝,桶蚝就当然比较细只，食落就粉左少少，不过配料就有好足,咩椒都有、加埋洋葱咁样都几香口,不过就唔太食到蚝既鲜味。之后就系一个红咖喱鸡,卖相几靓,个咖喱汁颜色好深色，入面就有D泰式茄子，鸡食落唔似出面食个D,有特别做法,不过唔系好识形容。叫咖哩当然要叫埋烤薄饼,用黎点咖喱汁真系一流既配搭，不过当然要趁热食就最好味喇。最后睇中左个虎虾,用左黎烧,都唔错嫁,够哂新鲜,虾肉好结实而且虾头D膏好饱满,烧得几惹味,点埋汁食,正。当然要饮埋个椰青先走人,够哂大,又多汁非常清甜，椰肉好厚，食完咁浓既野饮岩哂。