你我濃湯米線 (已結業)

一直都知呢到有素食，终于可以黎到呢到试下~男朋友叫左个云耳蒸鸡饭，成个饭都好香，比出面茶餐厅无咁油腻，而且鸡肉都唔太多肥，而D蒸鸡既味道比珍珠米吸收晒，如果食开浓味既可能唔太钟意，但系淡开既会觉得几好食。而我就叫左个健康菠菜面配素汤底，素汤底好清，无味精，好饮到饮晒个汤底都唔口渴，不过个菠菜面就无咩味，吸收唔到个汤既味道，而配料都比较少，只有金菇、冬菇、木耳丝、腐皮同白萝卜木耳丝都几爽口，如果个面底可以有返D味就更好啦~另外仲有竹蔗水同姜茶都好够味，不过落左单之后无黎到，要再叫多次先黎，整体黎讲环境都几光猛又坐得几舒服，不过野食就可以再改善下~~