黃金冰室 (成業街)

营业中

休息中

今日太赶时间食饭, 所以近近地揾嘢食, 见到最近新开嘅茶餐厅, 就入去睇吓, 喺外面望又唔觉得里面原来咁大咁多位, 虽然坐满人, 不过都好快有位喇。茶餐厅由2:30 开始就有下午茶餐, 选择种类都算多, 而我就拣咗XO 酱猪扒炒即食面。大概等咗5-8分钟, 嘢食就上枱喇。🥢XO 酱猪扒炒即食面卖相几好, 配菜有蛋丝, 洋葱, 椰菜, 韭黄同红椒。XO 酱味道比想像中淡, 虽然有见到XO 酱粒, 不过无乜味。猪扒腌得好入味, 肉质亦软腍。可能因为下午茶关系, 公仔面份量偏少。🥢冻柠茶 (走甜)大大杯, 唔会太多冰, 而茶底亦都够浓。