影片
更多
2024-01-11
582 浏览
叫咗一碗鸡汤米线同一碗麻酸辣米线，难食到形容唔到😐😐麻酸辣米线个汤底完全唔系平时食开𠮶种酸辣味，净系得个酸味，仲要系有少少似馊咗嘅酸味，完全闻到都唔开胃，净系夹硬食咗少少米线，之后就成兜嘢放咗喺度食唔落。本身个米线叫咗椰菜饺子同墨鱼丸两只𩠌，个椰菜饺子一咬入口以为系坏嘅，个皮劲厚，然后又系有少少馊味，跟住个姐姐偷听到我话唔知个饺子系咪坏咗，佢就搭嘴话佢系即日包唔会坏，咁即系用料完全唔新鲜啦！另外个鸡汤米线叫咗猪腩片，又系劲唔新鲜嘅猪肉，食两啖就唔想再食，个鸡汤仲稀过鸡精开嘅水，佢仲好意思话自己系新鲜熬嘅鸡汤。总括嚟讲就系一间食一次永远都唔会再帮衬嘅米线，希望大家唔好中伏
麻酸辣米线个汤底完全唔系平时食开𠮶种酸辣味，净系得个酸味，仲要系有少少似馊咗嘅酸味，完全闻到都唔开胃，净系夹硬食咗少少米线，之后就成兜嘢放咗喺度食唔落。
本身个米线叫咗椰菜饺子同墨鱼丸两只𩠌，个椰菜饺子一咬入口以为系坏嘅，个皮劲厚，然后又系有少少馊味，跟住个姐姐偷听到我话唔知个饺子系咪坏咗，佢就搭嘴话佢系即日包唔会坏，咁即系用料完全唔新鲜啦！
另外个鸡汤米线叫咗猪腩片，又系劲唔新鲜嘅猪肉，食两啖就唔想再食，个鸡汤仲稀过鸡精开嘅水，佢仲好意思话自己系新鲜熬嘅鸡汤。
总括嚟讲就系一间食一次永远都唔会再帮衬嘅米线，希望大家唔好中伏
张贴