十二味 (謝斐道)

营业中

休息中

听讲呢间餐厅嘅老细系90后嘅港漂，佢地嫌香港嘅外省菜唔够正宗，所以就开咗呢间12味川菜馆，更喺短短嘅几年间，开咗好多间分店，所以我哋黎试一下。餐厅装修好特别，走中国风，由于系食川菜嘅关系，所以会见到四川熊猫作为装饰。餐厅以食辣为主，但亦同时照顾一啲好似我朋友一啲辣都唔食得嘅人，佢嘅主菜酸辣鱼同埋香锅都可以拣唔辣。清炒莴笋系香港比较少有嘅蔬菜，唔系好多地方都有得食，我都系第一次食。莴笋丝好爽好甜，喺食啲重口味嘅嘢之前食返啲青菜，感觉好清新呢度其中一样嘅招牌菜系香锅，香锅就系自己选择材料，跟住厨师就会将材料用特制嘅调味炒埋一锅，感觉就似韩国嘅部队锅咁样。香锅可以拣辣同唔辣，今次我哋就拣咗唔辣。香锅个味道好好味，酱汁同每一个材料都好夹，我哋拣咗一个肉四个𩠌菜，比较健康。另一个招牌菜系酸菜鱼，我哋都系拣咗唔辣。酸菜鱼份量好多，而且桂鱼好滑，汤头酸中带甜，个味道都特别，应该用左好多川菜香料，虽然我未食过正宗嘅，但系喺香港都食过咁好味嘅酸菜鱼。最后食埋个红糖糍粑，脆脆嘅外皮包住软绵绵嘅年糕，再拈上花生同红糖，简单就是美。