影片
更多
2014-10-25
6094 浏览
暑假将近，数字auntie一家冇平时咁忙碌，故特意抽空相约好友聚一聚，地点为一家佢地最近经常帮衬o既「李公馆」。「李公馆」位于湾仔集成中心对面，搭电车最为方便，因叮叮停正喺门口；坐地鐡如果出湾仔站就要行十分钟左右；虽然巴士、小巴、的士都到，不过因该区长期塞满旅游巴，交通比较挤迫，好难掌握时间。听落「李公馆」依个名感觉好古代，正门挂有简单而带有传统中国味道o既书法，点知入到大堂，见到天花及厢房门外翠绿色o既弧形灯圈 ，顿时就觉得格格不入啰。餐馆喺二楼，楼面唔算高，大堂坐满客人时声浪都颇大，不过当晚数字auntie请客，一早安排咗间十二人厢房，与外面隔绝，够哂私人空间，房内椅櫈全为胶皮櫈，舒适卫生。虽然主人家系熟客，但未有姐姐仔长期留守于房间，除咗有人不时入黎传递𩠌菜之外，斟酒全部要自己黎，加茶、换碟等当然唔系自动波啦，叫完都仲要等多阵，招呼一啲都唔周到 ！长辈们宴客都会悉心安排菜单，年纪最轻o既数字auntie亦不例外，当晚特别拣选咗多款餐厅独有o既新颖菜式同好友们分享 。 四小碟之芥香木耳伴海蜇：木耳同海蜇匀属爽脆，芥辣味唔算浓，不过小肥就嫌味道酸多于辣。 四小碟之厚切茄子：
「李公馆」位于湾仔集成中心对面，搭电车最为方便，因叮叮停正喺门口；坐地鐡如果出湾仔站就要行十分钟左右；虽然巴士、小巴、的士都到，不过因该区长期塞满旅游巴，交通比较挤迫，好难掌握时间。
听落「李公馆」依个名感觉好古代，正门挂有简单而带有传统中国味道o既书法，点知入到大堂，见到天花及厢房门外翠绿色o既弧形灯圈 ，顿时就觉得格格不入啰。餐馆喺二楼，楼面唔算高，大堂坐满客人时声浪都颇大，不过当晚数字auntie请客，一早安排咗间十二人厢房，与外面隔绝，够哂私人空间，房内椅櫈全为胶皮櫈，舒适卫生。虽然主人家系熟客，但未有姐姐仔长期留守于房间，除咗有人不时入黎传递𩠌菜之外，斟酒全部要自己黎，加茶、换碟等当然唔系自动波啦，叫完都仲要等多阵，招呼一啲都唔周到 ！
长辈们宴客都会悉心安排菜单，年纪最轻o既数字auntie亦不例外，当晚特别拣选咗多款餐厅独有o既新颖菜式同好友们分享 。
四小碟之芥香木耳伴海蜇：木耳同海蜇匀属爽脆，芥辣味唔算浓，不过小肥就嫌味道酸多于辣。
四小碟之厚切茄子：貌似天妇罗o既茄子咬落都好软嫩，不过就油咗少少，同埋碟上o既调味汁唔多够味。
四小碟之蒜片牛柳粒展：牛柳粒卖相一般，味道偏咸，外层亦较硬同韧，不吃也吧。
四小碟之豉油王鸭舌：鸭舌香甜软滑，系四小碟中最美味o既一道。
菜胆杏汁炖猪肺汤：猪肺汤鸡味香浓，落咗杏汁又唔会好粉，猪肺洗得都好干净，唯一系汤面劲多油 ，应该系汤料中o既鸡脚所分解出黎，厨房应先隔出油层才上枱。
冰镇咕噜肉（限量版）：外表鲜艳o既冰镇咕噜肉必先预订，底层为咕噜肉，被中层o既冰块冰封，面层则舖上酸味o既生果。涷食咕噜肉都系第一次，虽然外层仍能保持脆皮，但就冇热食咁香口野味，同时又特显其刺牙o既酸味，又涷又酸，绝对唔啱牙齿敏感o既小肥。另外一个问题就系冰块好快就会溶解，如果唔快速食哂碟上o既食物，碟底就会积聚水份 ，咕噜肉同生果都会被浸腍而变得唔好味。
叠叠煎藕饼：条形o既莲藕饼喺碟上好似积木咁层层叠，几得意，咬落香脆野味，且唔油腻，送酒佳品也。
咖哩脆皮牛腩：第一次食炸牛腩，可能注意力集中哂喺层薄薄o既炸皮度，牛腩质感冇平时一丝丝咁嚡咁干，食客自行点上适量o既咖哩汁作调味，整体更觉香脆，味道浓得唔过火，效果意外地好好 ！
翠塘海明珠：以菜汤浸住啲带子而唔系以青菜炒拌，菜味轻轻渗漏入软嫩o既带子入面，食客饮用菜汤时又可带出带子o既鲜甜味，师傅真系几有谂头！
蟹子伊面：底层o既伊面好够腍，芡汁淋上面，面条冇变到一pat pat，只系差咗一样野，就系味道欠奉。
杞子浓汤浸蕃薯苗：蕃薯苗煮得太耐，所以腍哂 ，就连人称「菜后」o既姨妈食咗一次都冇再加添，好唔好食大家心照啦！
脆皮茶香熏鸡：茶香鸡熏味浓烈，鸡皮虽然香脆，但系鸡胸肉偏嚡同干 ，不甚美味。
清蒸老虎斑：老虎斑有过熟之嫌，肉质及皮层同样带韧，估计蒸鱼应并非师傅之强项。
雪梨糖水：糖水甜到溜，小肥只系饮咗两口已觉封喉，无法继续饮完 。
芝麻卷：芝麻糕食唔少，不过细佬都系第一次见芝麻糕呈卷物状态，听啲长辈讲此乃传统造法，而家好少酒楼有得卖。芝麻卷貌似黑色o既肠粉，但前者较厚、较烟韧，质感唔算好滑，但芝麻味香浓，又唔会话好甜，古法得几有特色 。
芒果布丁：布丁内藏粒粒芒果肉，不过大肥略嫌味带酸，唔多啱食。
Auntie请客，抵食与否，不得而知，但单看格局，服务生偏低之水平，除非食贵价海鲜，「李公馆」收费不应太高，否则唔会有咁多客人坐满大厅。
张贴
