奧壽司

营业中

休息中

咁啱今日去开数码港做嘢，又唔想食西餐，系个商场到见到间日本餐，有啲人流，好多一家大细嚟食晏，所以就入去试下。有啲半开放位置都唔错～牛肉锅（$128）- 份量都几大，肥牛肥瘦适中。个锅嘅汤底系寿喜烧，甜甜地唔错。配料都好丰富，有小棠菜、豆腐、金菇、粉丝、娃娃菜同冬菇，仲有只生蛋，一个人食都好够！啲寿司都唔会好贵三文鱼籽寿司（$38）- 三文鱼籽大大粒又多，一啖放入口大满足。三文鱼寿司（$20）- 三文鱼好肥美，唔讲仲以为系三文鱼腩。仲有串烧食，好正😍牛脷串（$38/串）- 即叫即烧热辣辣，每串有三块，烧到爽口得嚟又唔会韧，一啲骚味都无，非常好好味。鸡翼串（$28/串）- 个鸡皮烧到好香脆，鸡肉都keep到juicy嫩滑鸡肾七味烧（$26）- 好爽口，加味七味更惹味。