奧壽司

营业中

休息中

见呢间餐厅晚市时间坐无虚席，就黎试下系咪咁好食先。蟹籽沙律$48劲多沙律酱，加埋青瓜丝，青瓜无出水嘅情况，好creamy好正！冷豆腐$48摆位好典雅，个汁甜甜地系我喜欢嘅味，豆腐幼滑，连埋蕃茄仔同青瓜木鱼丝一齐食，好清新。牛油金菇$38打开好香牛油味！立鱼汤蚬锅$88每个蚬壳入面都有肥美蚬肉，唔系得们壳，好鲜甜，而鱼汤都系必试，清淡得黎好香鱼味，但唔腥，饮完好舒服。冬菇串$16烧得够干身，带少少盐香。牛油粟米$18原只粟米，搽上牛油更滋味。免治鸡串$22入面有脆脆地嘅粒粒，好爽口弹牙，点埋生鸡蛋酱一齐食好特别。饺子鸡翼$18牛脷串$28烧得好香！烟肉车厘茄$22烧茄子$38已经去左皮，全部都系茄子肉，盐烧嘅感觉好清新，唔会太浓味。立鱼汤稻庭乌冬$118最喜欢鱼汤同乌冬嘅配搭，健康之选。蟹糕炒饭$118旧蟹糕超级惹味，加入饭更显鲜味，而饭粒都炒得唔错。最后有各自最爱嘅芝麻同绿茶雪糕作结。