影片
更多
2020-03-28
133 浏览
系数码港做左几年野，大部分同事都系带饭就算，无他嘅，咪就系因为呢度根本无野食，一系贵，一系唔好食，更多嘅系又贵又唔好食。与其餐餐pepper lunch同原味家作，不如都系带饭算。咁桥又见到呢间新开嘅便当店，见几得意又入去睇下，包装卖相唔错㖞，仲要系自动售卖机，够晒得意，50蚊连野饮，数码港平均价，最重要都系味道，结果真系惊喜，系几好食㖞我就食左omipork麻婆豆腐，够稳阵，结果居然好有惊喜㖞，个麻婆豆腐系日本定食屋口味，十分温和。话晒系日式便当无理由系四川口味，呢个麻婆豆腐温和好多，再加埋全素嘅omipork，基本上都系有心机谂过味道嘅作品。最惊喜就当然系个白饭，实在系煮得十分之好，系一百分咁好。粒粒分明又有日本米嘅粘糯，仲要够热㖞，配菜嘅玉子又唔系行货，真系有日式高汤嘅香味，真心仲掂过商场果间日本野。同事就食柚子西京烧鸡扒，都系好食嘅，用西京渍令鸡扒无左多余嘅水份，入口够柚子香，又有白味噌轻微嘅甜味，鸡肉又够嫩，又系日本定食屋嘅口味。配菜嘅金平牛蒡又系十分出色，我自己就系日本爱上左呢道前菜嘅，基本上去连锁饭团店都系必买。呢度嘅都十分似样㖞，值得一试。之后无带饭应该会黎呢度食，推荐
咁桥又见到呢间新开嘅便当店，见几得意又入去睇下，包装卖相唔错㖞，仲要系自动售卖机，够晒得意，50蚊连野饮，数码港平均价，最重要都系味道，结果真系惊喜，系几好食㖞
我就食左omipork麻婆豆腐，够稳阵，结果居然好有惊喜㖞，个麻婆豆腐系日本定食屋口味，十分温和。话晒系日式便当无理由系四川口味，呢个麻婆豆腐温和好多，再加埋全素嘅omipork，基本上都系有心机谂过味道嘅作品。
最惊喜就当然系个白饭，实在系煮得十分之好，系一百分咁好。粒粒分明又有日本米嘅粘糯，仲要够热㖞，配菜嘅玉子又唔系行货，真系有日式高汤嘅香味，真心仲掂过商场果间日本野。
同事就食柚子西京烧鸡扒，都系好食嘅，用西京渍令鸡扒无左多余嘅水份，入口够柚子香，又有白味噌轻微嘅甜味，鸡肉又够嫩，又系日本定食屋嘅口味。配菜嘅金平牛蒡又系十分出色，我自己就系日本爱上左呢道前菜嘅，基本上去连锁饭团店都系必买。呢度嘅都十分似样㖞，值得一试。
之后无带饭应该会黎呢度食，推荐俾数码港嘅上班族们。
张贴
