金記客棧 (已結業)

数码港位处港岛一隅，一向是港岛人嘅后花园，泊车去商场然后去戏院睇戏，出外面行阵公园，咁就可以消磨大半日。不过数码港一向问题就系缺乏比较似样，价钱又合理嘅餐厅，因此睇戏之外食嘢就要走返出去。今日又系过去睇戏，见酒楼旁边开咗「金记客栈」，于是睇完戏，食埋饭先走。呢间嘢特别在有烧味供应，于是例牌叫叉烧切鸡嚟食。叉烧肥瘦适中又够滑，仲有小烛台响下面暖碟，吹多阵水都无怕啲叉烧冻咗，几好。有两份肉当然要整返份菜，蒜蓉西兰花呢类简单得嚟可以好大镬嘅菜就最好。嚟到见到炒得几靓，食落又唔觉好多油，唔错。素食成为潮流，好多餐厅为照顾素食人士都推出咗素食碟头饭，呢度都唔例外。上面食咁多肉，叫埋呢个碟头饭，有番茄煮蛋有白饭，拎嚟送饭送菜送肉更开胃。整体而言，金记进驻数码港系好事嚟，最少去数码港睇戏后，唔需要走返出去食嘢，亦唔需要局食牡丹楼。