影片
更多
2022-11-19
1913 浏览
我要分享一个关于「文昌鸡神偷」的故事:今晚致电「荟轩」外卖落单文昌鸡全只，谂住逛完楼下超市就上去拎鸡顺便埋单，5点几左右去到现场拎鸡，只见现场熄哂大部分嘅灯，外卖桌上并无摆上外卖，我无意听到员工们大声讨论文昌鸡「个文昌鸡点算啊？」然后我问「文昌鸡？你讲紧我呀？」，成班食紧野的员工（大概两张台嘅人）顿时惊呆，鸦雀无声。「我系拎外卖文昌鸡嘅」只见两围台啲员工坐喺度大快朵儿食野。一名黑衫女楼面拎枝牙签撩撩牙，表示某员工落单惊没人拎鸡，另一便装大妈则表示如果我不嚟拎就请班员工食。我心念我咪电话讲咗我喺楼下超市行紧，一阵上嚟拎鸡，洗唔洗惊我走数唔认鸡呀？「我头先喺百佳嘛，而家买完野先上嚟，系熟客嚟，成日都嚟食野，每个礼拜都起码嗌一次呢个招牌文昌鸡」另一黑衫戴眼镜男楼面表示「你真识嗌，我哋刚都系食文昌鸡」，我表示酒楼伙食真丰富。他仲话食嘅时候唔好加热，冻冻地食，指住坐对面台嘅厨房大佬，话对方负责整呢只鸡。该名大佬仲话知道熟客仔落单，下次亲自送过去，唔洗上嚟自己拎。正当我回到家打开外卖盒时，发现我的文昌鸡竟然系被偷龙转凤，当中一大部分的鸡是被替换成普通的鸡。有图有真相（如图），一部分系文昌鸡，好大部
今晚致电「荟轩」外卖落单文昌鸡全只，谂住逛完楼下超市就上去拎鸡顺便埋单，5点几左右去到现场拎鸡，只见现场熄哂大部分嘅灯，外卖桌上并无摆上外卖，我无意听到员工们大声讨论文昌鸡「个文昌鸡点算啊？」
然后我问「文昌鸡？你讲紧我呀？」，成班食紧野的员工（大概两张台嘅人）顿时惊呆，鸦雀无声。「我系拎外卖文昌鸡嘅」只见两围台啲员工坐喺度大快朵儿食野。
一名黑衫女楼面拎枝牙签撩撩牙，表示某员工落单惊没人拎鸡，另一便装大妈则表示如果我不嚟拎就请班员工食。我心念我咪电话讲咗我喺楼下超市行紧，一阵上嚟拎鸡，洗唔洗惊我走数唔认鸡呀？「我头先喺百佳嘛，而家买完野先上嚟，系熟客嚟，成日都嚟食野，每个礼拜都起码嗌一次呢个招牌文昌鸡」
另一黑衫戴眼镜男楼面表示「你真识嗌，我哋刚都系食文昌鸡」，我表示酒楼伙食真丰富。他仲话食嘅时候唔好加热，冻冻地食，指住坐对面台嘅厨房大佬，话对方负责整呢只鸡。该名大佬仲话知道熟客仔落单，下次亲自送过去，唔洗上嚟自己拎。
正当我回到家打开外卖盒时，发现我的文昌鸡竟然系被偷龙转凤，当中一大部分的鸡是被替换成普通的鸡。
有图有真相（如图），一部分系文昌鸡，好大部分系普通鸡顶包，明显颜色已经不同（文昌鸡系粉红少许金黄皮，冒牌的系白色肉偏白色的鸡皮）。食落更加明显大分别，文昌鸡结实韧皮脆，冒牌鸡软趴趴无咬口。因为货不对板，装啲鸡头鸡颈鸡屁股凑数，成盒只有几块鸡脾肉系文昌鸡，其余都系冒牌鸡......然后我又再回想起那句「个文昌鸡点算啊？」
对于食开文昌鸡嘅熟客嚟讲，呢啲偷龙转凤嘅把戏简直令人气愤，难道您哋就系甘回馈熟客？咁只会让熟客离您而去。
本人真心非常失望，特此发文，希望贵酒楼好好正视有关问题及做改善，希望唔好再有食客如我一样遇上 「文昌鸡神偷」。
外卖单已屏蔽了落单员工的名字，毕竟对事不对人。
张贴
