快樂．順景

营业中

休息中

每年都会去一去文武庙求个安心，求完安心顺便附近揾食。今次就简单食个快靓正餐。铜锣湾已经听过佢个名，茶记格局，上环店好新净，门口橱窗仲有出炉面包。葱油香茅猪扒煎太阳蛋饭 睇图已经比呢个饭吸引到，上枱亦没有照骗。主角猪扒并非大而无当，够松又有油香，有埋太阳蛋汁加葱油，好邪恶。常餐同样有大大块猪扒配公仔面，猪扒一样高质，食公仔面记得加辣椒油，绝对系彩蛋。跟餐仲有菠萝油，火腿同炒蛋，菠萝油大大个夹住厚厚既牛油，特浓4.3牛乳炒蛋口感嫩滑，最后加杯奶茶红豆冰，丰富之选。快乐忌廉筒估唔到会有呢旧怀旧忌廉筒。香脆酥皮包住幼滑忌廉，一咸一甜，令人再三回味。