影片
更多
2017-11-08
6637 浏览
重阳节有咩好节目？梗喺登高啦，同朋友行山，由城门水塘行去大围香粉寮村，喺朋友嘅私密山径，人迹罕见，甚有探秘嘅感觉，天朗气清，行两个钟唔使就行完。是日节目未完，夜晚就约咗朋友出油麻地食饭，地点由佢定，大家都喺咖啡粉丝，所以，就专登拣咗Kubrick，一于扮文青（其实我哋啲中佬，文青不再啦）。入到餐厅，一边喺卖书嘅地方，另一边喺用餐嘅地方，可以讲喺一室书卷气，不过，啲书喺唔可以随意借阅，扮文青就要俾钱买喇。装修简约，木系枱櫈，感觉朴实。餐厅除咗推动吓文化发展，并选用在地、新鲜、健康食材。虽然走文青咖啡店路线，但无wifi、无不含咖啡因咖啡、无脱脂奶供应……够晒个性。而翻阅餐牌，食物选择可不少，餐汤、沙律、小食、自家制汉堡包、三文治、意粉，以及不同嘅咖啡、热茶、花茶……等等。而单点汉堡包（唔知三文治得唔得）、意粉类，可另加是日餐汤、是日沙律、原味薯条、英式香肠、冻柚子梳打 / 红茶，$30外加两款，$40外加三款。是日沙律喺普普通通嘅田园沙律，沙律菜搭啲蕃茄粒，无乜酱汁，无咩卖点，但犹幸啲沙律菜都新鲜爽脆。是日餐汤南瓜忌廉汤色泽橙黄鲜色，味道几对办，南瓜味都突出，不过，质感少少偏稀。伴一小片
入到餐厅，一边喺卖书嘅地方，另一边喺用餐嘅地方，可以讲喺一室书卷气，不过，啲书喺唔可以随意借阅，扮文青就要俾钱买喇。装修简约，木系枱櫈，感觉朴实。餐厅除咗推动吓文化发展，并选用在地、新鲜、健康食材。
虽然走文青咖啡店路线，但无wifi、无不含咖啡因咖啡、无脱脂奶供应……够晒个性。而翻阅餐牌，食物选择可不少，餐汤、沙律、小食、自家制汉堡包、三文治、意粉，以及不同嘅咖啡、热茶、花茶……等等。而单点汉堡包（唔知三文治得唔得）、意粉类，可另加是日餐汤、是日沙律、原味薯条、英式香肠、冻柚子梳打 / 红茶，$30外加两款，$40外加三款。
是日沙律喺普普通通嘅田园沙律，沙律菜搭啲蕃茄粒，无乜酱汁，无咩卖点，但犹幸啲沙律菜都新鲜爽脆。
是日餐汤南瓜忌廉汤色泽橙黄鲜色，味道几对办，南瓜味都突出，不过，质感少少偏稀。伴一小片蒜蓉包，不过不失咁啦。
英式香肠咁啱得咁「桥」，一客有3条，啱啱够我哋3个分。喺英式香草猪肉肠，肠衣有少少脆口，咬落肉质挺实净，唔喺沟粉嘅货色，而且，几浓香草味。
意大利风干火腿配水牛芝士香草包 $88虽然制作简单，但属用靓料嘅高水准嘅包作，生菜、蕃茄垫底，加入一大片油润咸香嘅风干火腿，而水牛芝士亦落得一啲都无手软，配上香草酱，令本身无乜味嘅水牛芝士味道有层次；包身好软熟，不过一般意大利香草包都喺带香草味，但呢个就加入蕃茄味元素，伴菜仲有啲酸青瓜可加埋嚟食，又令味道多变咗。
意大利风干火腿配水牛芝士香草包
$88
93 浏览
0 赞好
0 留言
佢哋嘅卡邦尼喺无加蛋嘅版本，加唔加其实都无所谓，意粉嘅口感都OK，唔算好咬口，但亦无出现过腍嘅情况。意粉内混入唔少蘑菇片同烟肉碎，其实食味唔错，不过，酱汁太杰，令到啲意粉有种糊糊哋嘅感觉，睇番唔少人嘅食评都喺咁，足证大厨可能喺个几自我嘅人，或者，佢哋唔会检讨吓自己做菜嘅稳定性。
香蒜蘑菇蟹肉扁意粉 $88对比起碟卡邦尼，呢碟蟹肉扁意粉就高两班水平，扁意粉依然煮得恰到好处，酱汁亦无过杰，带有浓香嘅香蒜味，此外，添咗啲蟹籽，口感嘅层次自不然强咗，最正喺意粉内有好多蟹肉，而且，几鲜甜，好食又抵食。
完咗正餐，都倾咗一轮偈先落去甜点时段，蛋糕配咖啡喺另一段美妙时间。是日蛋糕，共有6款，最欣赏喺每个饼有透明胶盒冚住，以保「新鲜度」。唔知喺自家制，定喺攞货，但至少外观吸引，以大细、质素而言，定价就唔算便宜，无任何加配优惠，单点每款$38。
朱古力慕丝 $38之前所有菜式晌卖相方面都无咩亮点，本来就想赞吓佢哋嘅甜品卖相花咗少少心思，画吓花，写吓字，但两碟嘅字都喺店名kubrick，硬销又无诚意。之前晌饼柜睇唔到个慕丝蛋糕饼心喺点，原来喺朱古力慕丝层夹海绵蛋糕，占嘅比例一半一半，所以，朱古力味主要都喺靠面层嘅朱古力软浆，整体小弟就认为不过不失，完全无惊喜。
北海道牛奶芝士蛋糕 $38呢个好食好多，唔喺话因为用咗北海道牛奶，而喺味道突出，面层以北海道牛奶做咗层软浆，幼滑富奶香，而下层嘅芝士蛋糕，柔软富芝士味，两者一甜一咸，平衡无违和感。两道甜点都唧咗啲忌廉，查实有点多余。
鲜奶咖啡 $40我同一位朋友都喺拣鲜奶咖啡，店家强调选用公平贸易有机埃塞俄比亚咖啡豆，呢样喺一件好事嚟。先评评拉花，感觉喺徒有技巧，我哋两杯都唔喺好肯定咩图案，而且，线纹亦唔够细致。幸好，咖啡入口香醇之余，晌唔搅嘅情况下，口感均匀。
意大利泡沫咖啡 $40平较少见泡沫咖啡都做拉花，所以，送嚟嘅时候都问清楚有无送错。友人就觉得泡沫未够丰厚细致，咖啡味道都还可以，唔算一杯出色嘅意大利泡沫咖啡。
招呼OK嘅，不过，餐厅内喺唔俾用「相机」影相（限公众范围，枱上食物无限制），反而手机就任影，店员话因为店内有啲产品有版权，但手机比较普及，咁嘅解释真喺有啲难以理解，相机原来喺咁「罕见」唔普及嘅器材，哈哈，但位店员都有礼咁讲嘅！此外，餐厅嘅冷气喺调校到颇冻嘅程度，解释只有一个，冻到你坐唔得几耐啰！
张贴
