木玥巷

营业中

休息中

话说有日同朋友聚餐想拣一间清幽啲地方食饭，呢间餐厅都系屯门区内一个唔错既选择。地点位置系新墟井财街附近，都唔算难揾。餐厅座位都坐得算舒服，咁岩好系万圣节主题，里面有好多万圣节饰物，都几得意。餐牌都几多地道台湾菜式，选择唔少。蟹肉明太子炒新竹米粉都够镬气，啲米粉唔会一旧旧痴住，有淡淡的油香味。配料都几多，食物质素都唔错。因为想食清淡啲，叫左一份木玥杂锦蔬菜，白萝卜味道比较淡，甘荀煮得比较冧。如果嫌淡口得滞，有芝麻酱同甜酸酱俾你选择。因为系万圣节主题，水果叉真系好有趣，而且重点系杯招牌水果茶好大杯，目测杯身有手臂咁长，水果茶微甜，味道都唔错。黑糖珍珠拿铁味道不过不失，可以选择甜度，茶味一般，反而奶味比较浓。总体黎讲，如果唔赶时间想坐耐啲，呢间餐厅都系一个选择，食物都OK。