Tuned Coffee & Roastery

营业中

休息中

平日去19:00已经坐满，好夸张，建议电话订座。如果搭地铁🚇出太子站行大约5分钟，见到上Moko条楼梯，行左边转左。⭐️黑白芝麻温泉蛋凯撒沙律🥗 $75沙律份量大，生菜新鲜爽脆，切开温泉蛋捞匀令生菜更挂汁，凯撒酱几好味。⭐️慢煮黑蒜牛面肉炖意大利饭🐮 $118意大利饭饭粒分明，加左芝士薄片令口感更浓郁creamy。牛面肉大大旧，肉质非常软腍，胶质丰富，牛味浓厚，如果切细旧上碟食起黎更加方便。⭐️松露油忌廉大啡菇猫耳朵 $95猫耳朵同菇好索汁，酱汁充满黑松露同菇香，既有咬口又几入味，但唔会觉腻。加左果香浓郁既松子仁令口感更多层次。⭐️忌廉芝士焦糖饼干布甸🍮 $55有别于一般焦糖布甸，质地较厚实，口感似芝士蛋糕，蛋香同芝士味几出。布甸面既焦糖脆脆几甜，但cream同cream cheese唔算甜，中和番岩岩好。⭐️菠萝汁🍍 $30酸酸甜甜岩晒解腻。⭐️开心果鲜奶 $50当晚鲜奶转左豆奶，口感顺滑，直接饮都有开心果味，搅匀饮就会奶味突出。💬建议两个人拣主菜唔好两款都拣咁heavy，会好易腻。