Ocio (東港城) (已結業)

呢日到访东港城呢间日系小清新餐厅，印象中食物质素唔错，环境都舒服好坐。​奥斯牛肉汉堡扒全日早餐（$118）- 分量十足，入面有汉堡扒、炒蛋、肠、薯条、蕃茄、茄汁豆、窝夫、para ham、沙律菜等。汉堡扒味道几好，入面肉质juicy，唔会鞋口。薯条炸得好脆好干身，炒蛋亦整得相当滑。蒜香鸡肉菠菜忌廉手工阔面（$128）- 鸡肉分量唔少，加埋菠菜忌廉汁，入口非常creamy。手工阔条面好烟韧弹牙，吸收咗忌廉汁，味道十分浓郁。套餐包埋餐汤（粟米忌廉汤）同$33以下嘅饮品，我哋点咗杂莓乳酸梳打同热情果柠檬梳打各一（每杯补差价$15@），两杯都点咗少冰少甜，味道啱啱好，清新解渴。