CURATOR Art & Café (已結業)

首先系佢哋嘅炸鱿鱼圈，外层炸得酥脆，入面嚼落去仲有烟韧嘅口感，再配上黑松露蛋黄酱汁，真系好正呀！🤤🙏🏻接下嚟就系奶酪酱烤糯米酿鸡翼，鸡翼表皮炸得好香脆，糯米酿料软糯糯又唔会太黏，配埋上面焗过嘅奶酪酱更加正，味道层次丰富！😍❤️再嚟就系厚切吞拿鱼三文鱼子菠菜汁意大利饭，吞拿鱼份量十足，食落好新鲜好美味，意大利饭煮得啱啱好，口感唔会过软过硬，配搭埋鲜甜嘅三文鱼子同清新嘅菠菜汁，好开胃！👍😆最后就系香煎慢煮三文鱼扒，三文鱼扒部分煮得好嫩滑，入口即化，搭埋酱汁更加突出味道浓郁！😋🙈呢间餐厅挂左好多画作，充满艺术感嘅氛围，而且仲可以俾客人提供照片，制作客制化嘅拉花图案嘅咖啡，好啱闺蜜、情侣一齐黎！😃😃