四季良晨 (新都城中心) (已結業)

今晚放左工同朋友仔约食饭，拣左呢间新开既餐厅。我地7点几去到，等左5至10分钟就入得。餐厅装修有文青feel，侧边仲有花花打卡位，影相几靓，座位阔落，环境几舒服。我地点左盐酥鸡排鸡肉饭、三盛红烧牛肉面、凉拌猫耳朵、卤水豆腐。朋友点既鸡排饭系晚市套餐黎，配埋原盅鸡汤，仲有娃娃菜食，好抵！我偷食左少少盐酥鸡排，新鲜即炸，唔太油腻，几好至于我个红烧牛肉面可以话系份量十足面条好有咬口，汤底清甜，应该冇点落味精，饮完唔会觉口干，最正系有大大旧萝卜牛肉牛𦟌都煮得淋，不过，牛丸反而有惊喜，咬落好多肉汁。我地跟餐加配左两样小食，黑木耳（猫耳朵）几爽口，酸酸地好开胃，不过卤水豆腐就少少咸，但加6蚊就有好多粒，CP值高。一场黎到，梗系要试下特饮！跟餐冇得配特饮，要另外点，如果可以补差价叫埋特饮会好d呢我拣左芝士奶盖桂花乌龙茶，就咁饮我觉得个芝士奶盖唔够重芝士味，但桂花乌龙茶饮完就有阵阵桂花清香，沟埋黎饮又几夹，唔会太甜，岩岩好，推荐不过，扣分位系枝饮筒唔够长，系拮唔到落底，最尾我要揭开个盖黎饮，建议换一款长d既饮管。