王牌冰室 (南豐紗廠) (已結業)

星期六约咗朋友黎南丰纱扮文青, 食下野影下相行下街, 黎到"王牌冰室"装修得几特别, 怀旧冰室风格, 见到个滑蛋吸引咗我。 餐厅门口已经排长龙, 都几多人, 好彩等咗一阵就位了。🔸葱油猪扒捞公仔面劲多葱粒, 色香味俱全, 葱油同公仔面真系好配, 味道唔会过咸, 猪扒香脆肉质够淋, 唔会干柴柴。🔸叉烧虾仁沙滑蛋饭见到餐厅大大张相几吸引, 睇黎系招牌食物当然试下啦, 见到满满既滑蛋, 劲足料既大虾介同叉烧, 滑蛋确实炒得好滑, 衬哂白饭一齐食正哂👍🔸流心芝士西多第一次食芝士饀西多几特别, 一砌开劲流心, 有少少似加咗咸蛋咁流沙, 再加埋西多专属既糖浆, 一咸一甜又几夹, 值得一试⭐食饱谂住行过隔离买杯野饮, 边行边睇继续扮文青😂🔸王牌水果茶水果茶最重要够唔够水果味, 茶胆够唔够味, 佢两样都做到, 重点系劲大杯, 甜度同冰块可因应自己喜好要求, 我唔钟意太甜就叫咗微甜, 啱哂我口味。🔸焦脆奶盖平时唔太饮太奶既饮品, 估唔到呢杯又几合我口味, 面有焦糖味, 中间有芝士奶盖, 再加铁观音茶, 又几好饮㖞！